Discos duros ou DVDs?

Eu son dos que ten moreas e moreas de CDs e DVDs sen nome dos que non teño nin idea do que teñen. Son música, películas, xogos, manuais, videos, etc. que descarguei (en partys, por exemplo), unha enchenta de gigas! Calculo que serán uns 200 CDs e/ou DVDs cheos de datos que non sei o que son.

Qué facer con todo isto? Pois quero catalogalos, é dicir, quero saber que ten cada CD/DVD e non olvidalo, para iso este verán quería facer unha base de datos pequena e ir gardando nela unha descripción do contido de cada CD/DVD. Vaime levar a hostia de tempo, pero hai que facelo.

Pero de nada me serve facer iso se logo sego co mesmo sistema para gardar ficheiros. Por iso teño dúbidas sobre como gardar os ficheiros que xa non me caben no disco duro. Teño dúas opcións: DVDs (Blu-Ray ou HD-DVD no futuro) ou díscos duros. Cada un destes soportes ten as súas vantaxes e os seus inconvenientes.

Os DVDs só teñen unha capacidade de 4 Gb polo que para unhas cousas pode chegar (películas) pero para outras como por exemplo discografías, series de televisión e videoclips non chega. Son máis fráxiles porque cun simple raiazo xa se poden perder todos os datos, ademáis non se poden borrar polo que as cousas que se poidan actualizar (programas, discografías, calidade de películas) seguirán ocupando espazo. Por outra banda os DVDs son máis baratos (1 Gb de DVD é 30 céntimos máis barata que a dun dísco duro, máis ou menos), máis portábles e os ficheiros que non vas a usar con frecuencia non ocupan espazo lóxico, só físico.

Os discos duros, teñen capacidade variable (hoxe en día arredor de 250 Gb) e se os metes en carcasas USB convírtense en portables. O inconveniente é que se tes ficheiros que non vas usar en moito tempo (como por exemplo películas) ocupan espazo físico, pero por outra banda podes acceder a calquera ficheiro ao instante. Se comparamos espazo lóxico/espazo físico os díscos duros ocupan moito menos espazo físico pero son máis caros pero tampouco tanto.

Supoño que a solución ideal é algo a medias, mercar discos duros segundo os vaia necesitando e gravar algúns ficheiros en DVDs, como por exemplo as películas.

Que “guays” son os de movistar

Vai máis de dous anos que me din de alta no servizo YaVoy de Movistar. Este servizo fai que os que te chamen escoiten, en vez do tono normal, unha canción, unha voz ou un sonido gracioso, eu concretamente tiña a Darth Vader.

Ao principio era gracioso pero despois de dous meses, máis ou menos, decidín dárme de baixa. Todo foi ben, os que me chamaban xa non escoitaban a voz de Darth Vader e, aínda que era de tarxeta prepago e non o podía comprobar, supoñía que non me estaban a cobrar por ese servizo.

Despoís dun ano paseime a contrato e ao ver a primeira factura vin que me cobraban 50 ou 60 céntimos por algo que era Renovación YaVoy. E así todos os meses. Pero os tonos de chamada seguian a ser os normais, nin Darth Vader nin ningunha cancionciña.

O que tiña que facer é chamar a movistar para pedírlle explicacións pero entre unhas cousas e outras ata 8 meses despois (a semana pasada) non chamei. Pero como é mellor tarde que nunca, acordeime a semana pasada e chamei. Conteille todo o que me pasaou e se me podían devolver os cartos (da Renovación YaVoy) de todos esos meses, dixeronme que nese momento non me podían atender porque estaban mejorando los servicios informáticos para dárme una mejor calidad e que para dárme de baixa de YaVoy tiña que chamar a un número.

Dínme de baixa en YaVoy (outra vez) e agardei unha semana para que melloraran os servizos informáticos. Chamei outra vez e expliqueille todo outra vez á operadora, comprobou os datos que lle dixen e díxome que ía facer unha consulta e… colga. Quedei con cara de parvo. Volvín chamar e volvín a contarlle o mesmo a outra operadora pero esta pásame co departamento que se encarga de estas cousas.

A operadora do departamento explicoume que ao pasarme a contrato dínme de alta outra vez en YaVoy e non me podían devolver os cartos. Expliqueille que ao facerme de contrato non me din de alta en ningures e menos en YaVoy pero mentres lle estaba a explicar isto e antes de rematar, colgoume… Quedei con cara de parvo e cabreado.

Por qué me cobran un servizo que non quero? Por qué me cobran un servizo que nin se quera me dán? Por qué me dán de alta nun servizo que non quero? Por qué non me devolven os cartos que me estiveron roubando todo este tempo?

Non sei se volver a chamar outra vez, para que me fagan o mesmo… Supoño que irei a Consumo a poñerlle unha denuncia a Movistar, ou polo menos a que me digan que podo facer.

Mensaxeiro instantáneo

Hoxe en día case non se pode concebir internet sen algún tipo de software que che permite comunicarte cos demáis. Estou a falar dos programas IM.

Ao principio de todo, ala polo 2000 ou 2001 eu usaba o IRC (mIRC + PhAnATiC ScRiPT) e o chat do Napster, durante un tempo usei o Yahoo Messenger pero ao final deixei de usalo. Estiven nas redes do IRC durante bastante tempo ata que, como todo o mundo, paseime ao Windows Messenger. Despois, coas actualizacións, o Windows Messenger convertiuse no MSN Messenger e finalmente no Windows Live Messenger, que é o que uso agora xunto ao GTalk. Para VoIP uso o Skype e en GNU/Linux utilizo o aMSN e/ou o Gaim (agora Pidgin), e tamén probei o Gajim.

Pero… cal é o mellor?

De todos os os IM (independentemente da plataforma), o que máis me gusta esteticamente é o Pidgin, simple, bonito e configurable. Agora ben, en canto a funcións o que máis me gusta é o Windows Live Messenger. Hai funcións que uso moito cos meus contactos da rede MSN, como o zumbido (nudge), a webcam, o envio de son, os guiños, os mensaxes manuscritos (mensaxes debuxados), e poder coller os smileys personalizados de cada contacto. E tamén se bota en falta a extensión Resaltado do Kopete. Aínda que son unhas funcións chorras e pode que molestas, bótome unhas risas cos meus colegas.

Desgraciadamente o Pidgin non ten ningunha desas funcións polo que, como uso dúas redes (MSN e Jabber) en Windows terei que usar Windows Live Messenger e GTalk e en GNU/Linux aMSN (anti-aliasing script) e Pidgin. Por iso, aínda que Pidgin sexa o máis bonito (para min) esteticamente lle faltan unhas cantas funcións:

  • Soporte para webcam.
  • Soporte para envio e recibo de son.
  • Botón para facer un zumbido nas redes MSN. Ten o comando /nudge pero non ten o botón.
  • Poder coller os smilyes dos teus contactos.
  • Enviar e recibir guiños cos contactos da rede MSN.
  • Enviar e recibir mensaxes debuxados cos contactos da rede MSN.
  • Poder resaltar (e reproducir son) algunha palabra (que ti elixas) dos teus mensaxes entrantes.

Se Pidgin implementase todo iso, ou incluso non todo, conformome só con algunhas cousas, sería o meu IM preferido, e o usaría tanto en Windows coma en GNU/Linux. Dáme igual se se implementa mediante plugins ou no programa en si pero sería xenial que o Pidgin implementase todo iso.

De momento conformareime así, e agardarei a novas versións que parece que vai a haber cambios. E enviarei tickets para as funcións que non vaian ser implementadas.

Como organizar as fotos?

Coa nova cámara compacta que adquirin e a cantidade de fotografías que teño me xorde un problema que tiña un pouco avandonado… Como organizar as miñas fotografías?

O primeiro de todo é buscar unha páxina web que organice as fotografías que quero publicar. Ten que ser unha web que me permite poñerlle comentarios ás fotos, etiquetas, organizalas por albúms e coleccións (de albumes) e sobre todo que permita escoller a min a licenza que lle quero poñer ás fotografías.

A única que coñezo probei é Flickr, e estou moi agusto alí. Permíteme facer todo o que quero coas fotos que me gustaría publicar e ademáis é moi popular. Alguén coñece algunha web mellor? Está Picasa e outras máis pero penso que non aportan nada novo.

O segundo aspecto é a organización off-line, no ordenador. Este, quizais, é o tema máis importante. Preciso dun software (ou quizais non) para organizar as miñas fotografías. Tanto as fotos que saquei eu como as que non saquei (dos amigos e tal..), ten que me permitir facer albumes, coleccións (de albumes), poñer etiquetas, previsualizar as imaxes, enviar as imaxes que queira a Flickr (ou á outra web que escolla), retocar algunhas imaxes (ollos vermellos, etc.), facilidade para crear CDs, DVDs de imaxes, e sobre todo, isto é o máis importante, que garde de forma sinxela e clara as fotos (refírome á forma física, os ficheiros e os cartafoles) e que sexa multiplataforma (GNU/Linux e Windows).

Non probei ningún e pódese dicir que non coñezo ningún. Sei do F-Spot para GNU/Linux que seica é bastante bo e do Picasa para Windows. Supoño que me decantarei por Picasa polo tema da multiplataforma. Terei que probalos.

Xa vos contarei como me foi cando organice a cantidade de fotografías que teño.

Incultura activa e incultura pasiva

Todos somos incultos. Non é nada malo, e incluso pódese considerar que é algo bo.

A maioría somos incultos pasivos, non temos nin idea dun determinado tema pero nin falamos nin opinamos sobre él, e ás veces intentamos aprender. Ás veces tamén somos incultos activos, é dicir, aínda que non temos nin idea dun tema, falamos e opinamos como se tal.

Ser inculto activo é algo malo nalgúns casos, pero hai persoas nos que este tipo de incultismo é grave, como por exemplo os periodistas. Practicar a incultura activa nunha profesión que se supón que consiste en informar obxetivamente non é unha boa cousa, ás vece sucede por obrigación, outras por estar mal informados e outras porque se é mal periodista.

Este post ven a conta de Sara Gallardo, redactora da revista Escaparate de Sevilla. Nesa revista, Sara, escribiu unha columna de opinión na que falaba dos frikis, dicindo barbaridades como que todos os frikis teñen acne, son altos, delgados, non se duchan e teñen o pelo grasento. Ou que os geeks son os líderes dos frikis porque saben de todo: informática, rol, manga, internet, comics, star wars, spiderman, etc. Pero o mellor de todo é que todos os frikis son ateos e comunistas-republicanos.

Podedes ler o artigo clicando aquí, e tamén a viñeta que fixo Geek in love. Lede o artigo, non ten desperdicio, ademáis de dicir moitas tonterías comete moitas faltas de ortografía.

Non é que este indigando por como tratan aos frikies e non por outras cousas que se pode ver e ler na prensa… pero é que isto é a maior merda que vin dende vai tempo.

Época de exames

Agora que estamos na época de exames toca concentrarse e liberarse de calquera distración e como unha das maiores distracións, polo menos para min que estudio co portátil, é internet pois toca controlar o seu fluxo.

Para iso vou facer agora mesmo unhas cousas para que a tentación de conectarme e navegar por internet sexa mínima.

  • Establecer Google como páxina de inicio. Dígolle un ata logo a Netvibes, para que ao iniciar o firefox non perda tempo lendo os RSS que ahí teño.
  • Desactivar o Google Reader Watcher. Esta extensión para o firefox sempre che esta a avisar de que tes cousas por ler e é unha auténtica distración. Aparcarei a miña lectura habitual de blogs ata que remate a época de exames (o 6 de xullo). Agora o Google Reader está por 155… a saber como estará dentro dun mes.
  • Pasar webs e/ou weblogs que quero/teño que ler aos Marcadores. Ben sei que isto me distrairá, pero hai webs que leo por RSS no Netvibes ou no Google Reader e que por unha cousa ou outra terei que ler de vez en cando, polo que é mellor que garde as súas direccións nos marcadores do firefox e así non perdo tempo buscandoas xunto a todos os meus RSS, que iso si que me pode distraer moito.
  • Controlarme polo twitter. Seica hai xente que lle saca unha utilidade práctica a isto do twitter, e é controlarse á hora de traballar… algo así como obligarte a ti mesmo a escribir o que deberías estar a facer e facelo. Probareino a ver se este método funciona.
  • Borrar todo tipo de historial, opcións de formulario, etc. É unha tonteria pero vou pasar o CCleaner para así borrar os historiais do firefox, así cando teña que escribir unha URL na barra de direccións ou algo na búsqueda de google, non se me amosarán outras cousas que me poderían distraer… non sería a primeira vez que me pasa :-).

Estarei quasi-incomunicado ata que rematen os exames, para calquera cousa o mail :-).

Como van os propósitos do 2007?

Xa estamos no ecuador do ano e eu, como a maioria da xente, fixen uns propósitos que quero/pretendo cumprir ao longo deste ano. Pero… despois de 6 meses (a metade dun ano) como van estes propósitos?

Pois ben, un desastre. Coma case todos, supoño, marqueime uns propósitos pero non dou cumplido case ningún, pero bueno, inténtase.

  • Adelgazar.
    Adelgazar adelgacei, todo o mundo mo di, grazas a que vou (pouco pero vou) ao ximnasio e fago exercicio. Pero aínda así non estou no peso que me gustaría estar.
  • Migrar completamente a Linux (Ubuntu) e deixar Windows para usos necesarios.
    Fatal! Non so non uso a cotío GNU/Linux, se non que o uso menos ca antes. De feito agora só teño unha partición con Windows… pero bueno, non é culpa miña, é culpa de todos os problemas que tiven cos ordenadores e coa falta de tempo que teño agora para instalar Ubuntu, pero prometo que ao chegar as vacacións métome de cheo con Ubuntu.
  • Sentarse ben nas cadeiras (coidar a espalda).
    Nada, non sento ben nin para atrás xD. A verdade é que debín de intenta-lo só os primeiros días de xaneiro… o resto xa non. Son un desastre.
  • Traballar máis, tanto na universidade coma nos proxectos persoais. O que ven a dicir: ser menos vago.
    Menos vago non son e tampouco estou menos estresado pero o que si conseguín foi grazas ao libro Organízate con Eficacia (GTD) é traballar máis. É dicir, grazas a ese libro agora fago máis cousas, traballo máis, aínda que sigo igual de estresado. Algo é algo.
  • Aforrar.
    A verdade é que si que conseguín aforrar un chisco. Teño unha Wii e se cadra chega pronto unha cámara dixital, pero bueno, a ver se consigo aforrar máis e mercar todas as cousas da miña wishlist xD.
  • Aprender esperanto.
    Nin o intentei, pero quero facelo. Agardarei ao verán cando teña máis tempo.

Quedán 6 meses para que remate o ano e aínda quedan moitas cousas por facer… pero bueno, aínda quedan 6 meses, e se non… pois para o ano que ven :-).