Chamamento a todos os Porcos Bravos

Que foi dos mellores anos do Xabarín Club? Se queremos algo de información sobre aquela época, ónde está? Recibín un comentario de axuda de parte de Iria que reproduzo aquí:

olas, integrantes da xabaxeración!
aquí estamos un compañeiro e máis eu (16 e 17 anos respectivamente) que tentamos facerlle unha homenaxe a este programa mítico da nosa infancia na revista que en breve publicará por primeira vez o IES nº1 de Ordes impulsada polo equipo de normalización lingüística do centro. somos os únicos alumnos que nos interesamos por participar no proxecto e… ben… non temos modo de facer este artigo tan cariñoso e morriñento que nos propoñemos, porque na rede non hai nada que no-lo permita. non atopamos moito da súa historia, a web oficial non vai, e tampouco hai material para falar de toda a programación de hai 10 anos, a nosa programación, a de TNT, Arale, Contos dende a Cripta, o Mundo de Beakman, os míticos da nosa infancia… é un pouco triste… habemos ter que botar man tan só da nosa gastada e malgastada memoria… se alguén ten tempo, quere e pode enviarme algo que recorde, atope ou lle pareza interesante, este é o meu enderezo: iriuska_iria [en] hotmail [punto] com Graciñas e un bico!

E ten razón! Onde anda a información? A xabaweb? Existe?

O pouco que puiden atopar na rede é a entrada na wikipedia galega e na wikipedia castelá, os XabaTubos, os videos no YouTube por cortesía de tellaceibe e por cortesía de SiriusBelmont. E por suposto todo o que atopa google e a campaña de recollida de firmas que houbera vai tempo.

Pouca información, moi pouca para facerlle unha homenaxe. Chamo dende aquí a todos os porcos bravos que poidan ter/facer/conseguir información sobre os mellores anos ( sen dúbida) do Xabarín Club que lla envien a Iria. E por suposto, que publiquen (se pode ser) o resultado en internet para que toda a xenta o poida ver.

Sen tempo e sen organización

Ando metido en mil lios e aínda por riba chega a época de traballos e exames, o que fai que non teña todo o tempo desexado para adicarlle ao blog. Hai miles de cousas que non escribo e que non escribirei porque non teño tempo e xa pasaron de moda.

Bueno, máis que tempo, seguro que é unha mistura entre tempo, organización, procrastinación e preguiza. Isto é algo que quero solucionar, sobre todo agora que xa esta ahí a época de exames e se acumula todo.

Por iso, e despois de descubrir no blog de Andrés Milleiro o libro Organízate con eficacia (que parece que funciona) decidín mercalo aquí en Compostela. O libro ten moi boa pinta, de feito deixeillo unha tarde ao meu compañeiro de piso que leu un capítulo por enrriba e di que está bastante ben. Agardo que me axude.

Namentres podedes lerme nalgúns sitios para os que si teño tempo, ou non necesito tanto tempo como para este blog. Podedes lerme en Trebellos, o primeiro blog comercial sobre gadgets en galego, en Cornucopia, un blog colaborativo (aínda non está operativo), en Mocos Locos Mentales, un experimento de tumbleblog (a última moda!), e por suposto, podedes saber o que estou a facer no Twitter.

A ver de onde saco tempo para ler o libro!

Actualización: Olvidouseme comentar que tamén podedes lerme en Frases das rúas.

Resumo da XGN 07

Como xa dixen aquí vai o meu resumo da edición deste ano da XGN, unha das mellores partys de España. Xa sei que algo tarde pero entre o pouco tempo e a moita procrastinación non puiden :P.

Teño que dicir que o pasei moi ben, e non tiven ningún problema, bueno, se esquecemos o pequeno problema do ordenador, hehe. De todas formas co portátil dunha compañeira e con dous díscos duros puiden facer de todo o que quixen, xogar ao Counter Strike e ao Quake III… e descargar!

Penso que isto das descargar segue unha función exponencial, cada vez que vou a unha party descargo moito máis que a anterior, nesta ocasión foron arredor dos 300 Xb. Non está mal, pero a ver como organizo e copio toda a música, todas as series, películas, manuais, etc. que descarguei, levaráme tempo.

Non gañei nada, agás as camisetas de publicidade, non me tocou nadiña e iso que fun a varias conferencias e sempre sortean varias cousas en cada unha delas. As conferencias estiveron ben, algunhas aburridas, outras longas, pero a xente soe ir polos premios, non polo contido da conferencia, hehe.

Un pracer coñecer a Andrés Milleiro (déboche unha coca-cola xD) e atoparme outro ano máis con Sak. Unha mágoa non poder saudar a Besbellinha nin poder asisitr á charla que deu Berto e que estaba Modesto e máis Ghanito.

A extranet foi mellor que o ano pasado, o mellor de todo sen dúbida foron as 3 pistas de scalestrix e o combate de sumo. Pero se me quedo con algo da extranet e a risa que me deu a ver os gráficos da PlayStation 3… en fin, mellor non falar…

Para o ano volvo fixo, pero será a NX Conecta 07 a próxima?

Publicado en XGN

IaRRoVaWo VS Murphy (3)

Á cuarta irá a vencida? Non o sei e creo que tampouco quero sabe-lo.

Empezo a pensar que son gafe ou que hai un poltergeist na miña casa porque o que me pasa é máis raro que unha muller negra-musulmá-árabe-lesbiana-comunista presidenta dos Estados Unidos de América (levo tempo querendo dicir iso xD).

O portátil chegoume o venres e foi todo sen problemas, instalo programas, configuro, todo ben. O sábado pola mañá igual, todo ben… encendo o portátil, funciona ben pero o internet non ía. Era problema do router pero por si acaso reinicio e… misteriosamente xa non pasa da bios xDD… xa o tomo a risa. Ala, outra vez sen portátil. Dende febrero foi 2 veces á fábrica e aínda estou sen poder utilizalo…

Pero agarden, a cousa non acaba ahí. O PC de sobremesa funcionaba ben (e digo funcionaba) toda esta semana, e o venres inclusive, pero foi chegar o sábado á maña… e non carga Windows XP xDD. Xa nin me estrañou. En fin… os dous ordenadores que teño out of service misteriosamente. E non, eu non son das persoas que anda a trastos con eles ou que lles instala cousas raras e de dubidosa procedencia pero… Murphy miroume mal, que lle vou facer.

O do PC de sobremesa solucionouse formateando (perdin todas as descargas do eMule) pero o problema e que non tiña CD de Windows XP e misteriosamente nin Ubuntu nin Kubuntu querían instalarse. Atopei un CD de Windows XP Fenix Team que me deixara un amigo e instaleino, pero resulta que ese S.O. é unha merda, feo, inestable e aínda por riba teño o teclado desconfigurado. Instaleille o uTorrent e descarguei o Windows XP UE v6 recomendado por Andrés, o cal levoume toda a tarde.

Despois de postear instalarei esta versión do Windows XP a ver que tal vai, espero que sexa máis estable e poder instalar o Microsfot Project que o necesito para entregar un traballo o luns… non vos imaxinades o atrasado que vou cos traballos e prácticas na universidade.

IaRRoVaWo VS Murphy (2)

A 33 horas da party quedei sen PC, o que faltaba. E todo por formatear e logo intentar instalar windows, algo que fixen moitas veces. O caso é que esta vez, despois de formatear e meter o CD de Windows XP, o ordenador dicía que non era capaz de cargar o ficheiro setuphdd.sys, e así con varios CDs (de Windows) distintos, con lectores distintos e con discos duros distintos. A cousa non ía. Incluso intentei instalar Ubuntu e Kubuntu (non podería xogar pero algo é algo), pero cando arrincaba o Live CD… kernel panic.

Menos mal que unha compañeira de clase que tamén asistía á party deixoume o seu portátil que se non non podería ir. Ao final todo ben, sen problema algún co portátil, menos mal…

Despois da party levei o PC á tenda e expliqueilles o que pasou… non me fixeron caso (pensaban que era problema do CD) e hoxe (sábado) por fin teño outra vez o PC na casa cun disco duro novo de 80xbs (aínda que non sei por que.. se o outro probeino e funciona ben… polo menos de esclavo) e supoño que cos drivers da placa base actualizados.

Todo isto dos ordenadores, será cousa do demo Murphy…

P.D.: Proximamente un post sobre a XGN.