Meme, o porqué do nome do blog

Andrés pasoume un meme no que me pregunta polo nome deste blog. A verdade é que últimamente estaba pensando no porqué de Estrela Negra, coido que nin eu o sei moi ben, hehe.

O meu primeiro blog (e o seguinte) titularonse O Weblog de IaRRoVaWo (que orixinal!), até que un día deixei de bloguear. Pero esas veces que deixas de bloguear por falta de tempo, aburrimento ou por que non tes ganas, logo volves con máis ganas aínda, e eu tiña ganas de volver pero “cambiando de aires”, cun blog novo. Púxenme a buscar un novo nome (e servidor) e atopei Estrela Negra. O símbolo da estrela de cinco puntas, sen as connotacións políticas que leva, sempre foi un símbolo que me gustou, o utilizaba dacote para moitas cousas, e por iso elixin a estrela. O negro é unha das miñas cores favoritas e supoño que é por isto polo que elixin esta cor, pero o negro tamén representa máis, o negro é, ao meu modo de ver, unha cor de rebeldía, unha cor que está en contra das masas, unha cor de soidade. Pouco despois de crear o blog entereime de que a estrela negra tamén é un símbolo da anarquía, o cal non me disgustou, ao contrario. A unión da estrela e do negro deu o nome deste blog :).

Outros nomes que barallei foron rosa negra, estrela solitaria ou lonely star, e como curiosidade, á selección de futbol de Ghana chámanlle estrela negra.

Envio este “meme” a todos os que queiran explicar o nome do seu blog, pero en especial a Westopia, A Randeeira e a Nemeth.

Miii tesooooorooooo!

Os humanos, non sei por qué, cremos que todo é posuible e que todo nos pertence. Ás veces isto é absurdo.

Incluso el silencio es propiedad de alguien. El grupo musical Planets incluyó en su último disco una canción que consistía únicamente en 60 segundos de silencio. Al poco tiempo de la publicación de su obra, fueron demandados por plagio por los herederos de John Cage, que tiempo atrás había grabado y publicado 237 segundos de silencio total.

Extracto de “Copia este libro”, de David Bravo.

Somos más, cobramos más

A partir do 18 de decembro MoviStar vai cobrar todas as consultas, que se fagan por teléfono, do estado dos gastos nos móbiles con contrato. Van cobrar 15 céntimos por chamar ao 666 sen dar ningunha consulta gratis como fan nos prepago.

E a que ven isto? Pois non sei, seica o lema somos más, paga menos non é tal e en realidade é somos más, cobramos más. Son 15 céntimos que para nos quizais non sexa tanto, pero para eles é moito. Ao parecer hai 11.394 clientes de contarato, poñamos que todos eses consultan os seus gastos unha vez ao mes 11394 x 0’15 = 1709’1 € que gañaría movistar nun só mes, se iso o multiplicamos por 12 (un ano) dá 20509’2 € que gañaría telefonica nun ano, só por cobrar 15 céntimos a cada usuario. Pero, supoñamos que non todos consultan o saldo, que só o fan 5.000 persoas, menos da metade. Neste caso, nun mes, telefonica, gañaría 750 € e nun ano 9000 €. Unha burrada de cartos.

Que fai a competencia? Pois nada. A competencia en España é de risa, e de feito, movistar era a única compañía que non cobraba ate o de agora a consulta de saldo.

Galegos VS euskalduns

Viaxando no Estrella Galicia sempre tes algunha que outra anecdota. Desta vez había unha discusión “entre amigos” na cafetería no que ao parecer participan vascos e galegos. Todo comezou falando que era iso de “ser dun lugar”, pasando logo polo idioma chegando ate o reintegracionismo, para logo seguir cos nacionalismos e de novo volta aos idiomas para concluir con afirmacións pouco político-correctas.

Eu escoitaba a discusión dende o meu asento pegado á cafeteria, eran persoas adultas que berraban un pouco, sobre todo os vascos (ahí va la hostia, pues!). Dician que un galego, vasco, ou o que sexa nacido en Noruega (por exemplo) era noruego descendente de galegos (ou o que sexa) pero non galego, para logo chegar á conclusión de que un galego nacido en Castela, con pai galego e nai castelá non era nin galego nin castelá senón celta, celtíbero ou irlandes (?). Despois falaron do euskera e do galego, que uns (vascos) tiveron que aprender galego para traballar na Galiza e que parecía normal que así o fixeran pero que eles non teñen por qué saber euskera para traballar en Euskadi e iso non lles parecía normal, aínda que eles mesmos (os vascos) non sabían euskera por culpa do franquismo. Con todo isto tamén chegou o tema da normativa do galego (que orixinal… ) chegando á conclusión que o portugués é igual que o galego, pero… Tamén falaron un pouco dos nacionalismos vasco, catalán e galego pero enseguida voltaron aos idiomas. Neste punto a discusión foi máis forte, o galego (ou galegos, non sei cantos eran) afirmaba que en Euskadi o euskera non se falaba porque na época de Franco estaba desprestixiado, como acontera en Galiza, pero os vascos replicábanlle dicindo que non, que en Euskadi o euskera non se fala moito porque na época de Franco estaba prohibido, non se aprendía na escola e houbo moita xente que foi ao cárcere por falar en euskera pero falalo non estaba mal visto e incluso era algo de prestixio e que daba orgullo incluso nas cidades grandes. O galego volvialles a dicir que non, que non tiñan razón… e así estiveron un bo rato ata que se puxeron a falar que era “ser español”. Os vascos (ou algúns deles) afirmaban que non se sentían españois e o galego dicia que era un cidadán do mundo antes que galego ou español.

A conversa parece que acobou ahí, non sei se seguiron ou non, pero eu tiven que biaxar do tren. O curioso da anecdota non foron algunhas das tonterías que dixeron, senon o auto-odio subscoscente do galego. Non entendia como os vascos non se avergoñentaban do seu idioma, igual que fixemos os galegos, non era capaz de entede-lo. Así nos vai…

En contra da natureza?

Leo n’A Randeeira que no Museo de Historia Natural de Oslo apresentouse unha exposición fotográfica de máis de 1.500 animais con tendencias homosexuais ou bisexuais. Os organizadores afirman que a homosexualidade animal é moi común e moi extendido no mundo animal, desbotando a idea de que a homosexualidade nos homes é anti-natura.

Quen non viu un can macho fodendo (ou intentandoo) con outro can macho? Ao parecer comportamentos como este non son tan extraños no mundo animal e polo tanto tampouco son (ou deberían de ser) extraños nas persoas. Faime graza como a igrexa, os dereitistas e a xente escrava da sociedade é contraria á homosexualidade explicando que este fenómeno é contrario á natureza. A homosexualidade non é anti-natura, o anti-natural (por chamalo dalgun xeito) é a procreación (obter descendencia) entre dúas persoas do mesmo xénero pola simple razón de ser imposíbel (de momento). O que non é anti-natural é o amor e ahí cada persoa ama a quen lle pete, sexa home, sexa muller ou sexa calquera cousa.

Despois de ver a nova desta exposición, eu teño unha pregunta para eses que defenden que a homsexualidade e bisexualidade é anti-natura:

Que é máis anti-natural, un homsexual ou unha virxe que pariu un fillo?

Oracle

Oracle é a compañia lider das base de datos. Teñen 56.000 empregados en 145 paises e 1’6 millóns de clientes en todo o mundo, que se di rapido. Para moitos a súa base de datos é a mellor pero non so se adican a iso, tamén dan servizo ás empresas facendo todo o software relacionado con base de datos como por exemplo servidores web. Realmente os produtos que ofrece esta compañia son bos e seguramente sexas os mellores no seu eido. Tiven a sorte de que viñeran dar un seminario de dous días (de 9 a 2:30) á miña facultade e quedei impresionado co que fan e co seu nivel de profesionalidade.

O primeiro día fixeronos unha pequena introdución de Oracle Corporation para logo falarnos dos diferentes programas que ofrecen ás demáis empresas e unha pequena simulación dalgúns. O derradeiro día falounos especialmente da base de datos, o prato forte da compañía, e tamén fixeron unha pequena simulación dela. O seminario foi aburrido nalgunhas partes porque parecía que estaba orientado ás empresas grandes que precisan de base de datos e nos, os asistentes ao seminario, somos estudantes de informática que queríamos saber un pouco por riba como é unha compañía de base de datos e que fan os seus produtos e non como funciona cada un dos programas. Por asistir dánnos un certificado de Oracle e entramos na bolsa de emprego de Oracle, que por certo, seica lles é dificil conseguir novos empregados.