11 de setembro

[gv data=”8haLYc5m_Cg” width=”340″ height=”277″][/gv]

[gv data=”NpuHoMKsLsU” width=”340″ height=”277″][/gv]

[gv data=”I8V7FB4VHDs” width=”340″ height=”277″][/gv]

Everyday

Noah Kalina é un fotografo estadounidense que un bo día de 2000 tivo a brillante idea de fotografar a súa propia cara cada día.

Dende o 11 de xaneiro do 2000 e baixo o título de Noah K Everyday leva tirado milleiros de fotos da súa propia cara e aínda non rematou, non ten data de remate. Despois de 6 anos fixo un video con todas as fotos sacadas nese período. É curioso e abraiante ver como vai cambiando o peiteado, a roupa, o fondo, pero a súa mirada segue a ser a mesma. Din que os ollos son o espello da alma e esta pode ser a proba de que aínda que pase o tempo, un segue a ser un mesmo.

[gv data=”6B26asyGKDo” width=”340″ height=”277″][/gv]

Encantame esta idea e vou tentar facer o mesmo. Baixo o proxecto face intentarei tirar unha foto da miña cara cada día sen ter en conta a cámara, onde estea, a roupa que leve, e mesmo sen ter en conta a hora en que a saco. A ver canto duro.

Gelo, Bush, Sharon e a relixión

Vexo a través de Chuza unha nova en La Opinión na que o Bureau of Democracy, Human Rights, and Labor, organismo dos Estados Unidos, fai cada ano un informe sobre a liberdade de relixión no mundo.

Estes estadounidenses sempre están coa teima da liberdade, xa estamos acostumados a estas cousas e xa sabemos, sen ler, o que vai poñer. A cousa non pasaría a máis se non fora porque no derradeiro informe que fixeron, o do 2005, no apartado de España falan do alcalde de Oleiros.

O alcalde de Oleiros, ben coñecido na Casa Branca, goberna nesa vila con Alternativa dos Veciños (10 concelleiros) e BNG (1 concelleiro). Ángel García Seoane, Gelo para os amigos, o alcalde, leva gobernando en Oleiros dende o 1987. Pero a historia deste post aconteceu o 2004 cando dende o concello fixeron unha campaña de apoio ao povo palestino, colocando cartaces por toda a vila chamando a Ariel Sharon besta e neo-nazi. O asunto pasou á prensa e á política internacional, o embaixador de Israel en España ameazou por teléfono ao Concello de Oleiros e tivo que intervir o Ministro de Asuntos Exteriores, Miguel Ángel Moratinos, para que a cousa non fora a máis.

Gelo, como se di, ten un par de collóns por facer unha cousa así. Resulta que para os EUA iso, chamar besta e neo-nazi a unha besta neo-nazi é ser antisemíta. E aquí é onde eu non estou dacordo. A campaña era a favor do povo palestino e en contra de Ariel Sharon, un político, non un povo e menos unha relixión. Unha cousa é a relixión, outra un povo e outra moi, pero que moi distinta son os políticos. E neste caso o ataque ía dirixido a un líder político o cal non é ir en contra dun povo nin dunha relixión. Non me gusta que a xente vaia de victima, coma os xudeus que se fan as victimas por todo pero logo escollen aos peores líderes.

As cousas non son así, se lle chamas fillo de puta a Ariel Sharon non es un anti-semíta (palabra que queren poñer de moda), estas protestando, de mellor ou peor forma, contra a política dese político. Do mesmo xeito que se opinas sobre as dictaduras dos países de Oriente Medio non te estas (ou non deberías) a meter coa relixión musulmá. Non hai que misturar a relixión coa política, e á política cos povos.

P.D.: O Gelo, o alcalde de Oleiros, que se declara comunista non é a salvación nin o que fai falla neste país. É un político coma todos.

Blogmusik

Por fin teño un iPod!… aínda que sexa virtual. Vía Capítulo 0 e Chuza! atopo Blogmusik, unha das mellorciñas páxinas que hai na internet. A web é un reprodutor con forma de iPod (en branco ou en negro) que ten un buscador de artistas e podes crear e organizar varias playlists. O bo é que o servizo conta con moitas cancións (unhas 125.000) xa que colle as cancións de un montón de radios por toda internet.

Entre as súas cousas boas está que podes engadir o buscador de cancións ao Firefox e podes pór ligazóns na túa web ou blog ás cancións que che interesen ou ás túas playlists. Ademáis conta cunha lista con todos os estilos musicais das cancións e outra lista ordeada alfabeticamente de todos os artistas dos que podes escoitar cancións.

Levo pouco tempo nesta web e xa atopei cancións que non coñecía e grupos estupendos que xa están na lista de descargas do eMule.

Un deses grupos é Les Betteraves, ska-punk francés, que se separou e agora continuan con Guerilla Poubelle. Soan moi ben, a música francesa sempre me chamou a atención e estes o fan ben, a canción coa que os descubrín é un intento de imitar a Manu Chao, ou unha parodía del, o caso é que é ben curiosa.

solo mi con mi pena
sola va mi condiena
solo mi con mi pena
para lo la la lee
pedi to con mi corason
en la grande babilón
tequila maguiguana
vamos a la playa
shabalababidu
bi bi du birubirubira
te quiero mi amorra
mi amorra ayista
la la la
shibiru clandestino
avirau clandestino
Manu Chao millauu

Outras cancións interesantes que atopei no pouco tempo que estiven:

A cara do chapapote

Hai un ano, en xullo do 2005, tirei esta foto na Illa de Ons. Andabamos de expedición pola illa, concretamente pola punta Centulo, que nesa época estaba fechada aos turistas (pero nos non o sabíamos). Estabamos/Estamos horrorizados por ver as manchas do chapapote, e de súpeto, ao bordear unha gran rocha, estaba alí, mirando pra nós. A cara do chapapote. A cara do sufrimento e da impotencia. Non vós recorda a alguén?

A cara do chapapote

Setembro!

Chega setembro e chega a diversión, é dicir chegan os exames! Hoxe mesmiño tiven un, dunha asignatura chamada Teoría de Automatas e Linguaxes Formais I que ven sendo algo así como o que pode facer teoricamente un ordenador e como funcionan os buscadores. Non lle atopo moita utilidade práctica a isto, facemos cousas que non vexo que sexan útiles, pero bueno… hai que dá-la…

Estudei todo este vrán para esta asígnatura e dúas máis, pero esta ao ser a primeira é a que mellor levo. A asignatura, en sí, non ten porque ser moi difícil pero o exame abofé que o foi. Contestei a todo, máis ou menos, pero sen estar seguro de si o teño ben ou mal, non sei que poderei sacar.

Agora só queda esperar pola nota e estudar o seguinte exame.

P.D.: Este mes e máis xuño deberían estar prohibidos.

Hi-dily-ho II

Levo 3 anos no blogomillo e xa estiven en 3 weblogs distintos, este xa é o cuarto e espero que sexa o derradeiro. Mudeime de bitacoras.com polos continuos problemas de servidor que sufría o meu blog e, últimamente, polos problemas dos feed.

Comecei a bloguear en maio do 2003 no servidor gratuito de lycos.es e co sistema de Blogger, a cousa foi ben e sen problemas pero pouco a pouco quitáronseme as ganas de bloguear e funo deixando. Volvín a ter ganas de bloguear e decidín cambiar, está vez comecei, precisamente, o 25 de xullo do 2004 no servidor de webcindario e cun CMS bo que atopara de casualidade pola rede. O weblog apenas durou 3 meses actualizado, mais medio ano despois deume outra vez por bloguear. Desta vez foi un 17 de maio de 2005 (xuro que non escollo as datas), decidín dárlle un novo ar ao blog polo que cambiei de servidor e de sistema para pasarme a bitacoras.com, e tamén troquei o nome do blog, chamándose Estrela Negra. Máis dun ano despois volvo a cambiar de sistema e de servidor, múdome á blogaliza polos problemas de bitacoras.com mais agardo que sexa a derradeira mudanza.

Grazas a zetxek decidínme polo WordPress, pero como non teño tempo para montarme o meu propio servidor vou probar a ver que tal é blogaliza.

3 anos e moitos cambios, non si? Non vos olvidedes de actualizar a URL e os feed!

P.D.: Hi-dily-ho é o que di Ned Flanders en versión orixinal. En España é traducido por Hola holita.